大滿喜日本料理 (Closed)

同屋企人搜羅好味嘅放題，旺角呢一區有好多唔同嘅放題餐廳，各有各特色，今次就訂咗大滿喜，唔好以為咁多間放題就可以唔使等位，其實一樣爆滿！蟹棒壽司，味道唔錯，嚿飯暖暖地size啱啱好，好鬆軟。手卷方面就有好特別嘅海膽手卷同埋鵝肝手卷，海膽比想像中質素高，小清新；鵝肝香滑，估唔到配埋手卷都幾match。刺身種類繁多，一開始佢就會比一盤你，唔使諗，不過壞處就係有啲魚如果唔食嘅話就會浪費啦！全部刺身都幾新鮮，最鍾意就係食甜蝦同埋帶子。蟹子沙律涼浸浸，大熱天時就最啱食。野飲同甜品都好多選擇! 仲有MELON~ 超正!!!