除咗過時過節同屋企人去平時都好少會食
隨住年紀漸長好似慢慢識欣賞潮式打冷
覺得有啲麻甩不過其實成件事幾暢快～
呢間係砵蘭街近油麻地嘅新開打冷
燈火通明乾淨冷氣豪放啲哥哥仔又好禮貌～
無論多人飯局定兩個人撐枱腳都一樣適合
每碟嘢食嘅份量算多，特別係必嗌嘅鹵水
餐牌嘅選擇都唔少，仲有啲combo set
如果多人食有老人家小朋友都唔怕唔啱食
見到碟墨魚鵝腸雙拼堆到咁高有少少暗喜
咁大堆頭嘅鹵水見到就開心
原來下面堆咗豆腐同食唔完嘅花生😍
仲嗌咗個鹵水鵝片，真係啤酒嘅絕配🍻
鹵水夠入味不過唔太鹹，豆腐又夠嫩滑
可以嗌定一打啤酒大戰三百回合都冇問題！
金銀蒜蝦乾蒸勝瓜係即叫即蒸嘅
成個碟都熱辣辣，啲蒜加粉絲一定唔會伏
薑蔥田雞煲啖啖肉，好耐冇食田雞覺得好正
最後食咗成三個鐘都冇俾人趕走～暢快！
除咗免加一，經OpenRice訂枱仲有優惠
推薦大家有機會去啤啤佢😆
1
