泰鳩 (Closed)

油麻地人氣明星樓上泰國菜館，色彩鮮明，打卡正，食物同樣有水準。黃金蝦餅四件熱辣辣、大大塊而且非常厚身。蝦肉裡空氣較少，爽口較紮實有嚼勁。入口時，則可以吃到明顯的蝦子塊狀的口感，以及泰式香料風味。雖是炸物，口感又唔會太油膩，入口時仲可以點下泰式酸辣醬，特別好味。泰式明爐魚（鱸魚）另一款熱辣辣嘅美食。原條鱸魚上枱，賣相已經好吸引。最重要的定必是湯底，雖然都是製作冬陰公的材料，要做到唔過辣而味道層次豐富的冬陰公一定落足心機。有肉碎又有湯，味道酸酸辣辣，魚肉吸滿湯汁的味道，愈吃愈開胃！泰式蝦炒金邊粉炒金邊粉集甜酸鹹一身，羅望子醬更是靈魂所在。金邊粉炒得乾身，質感帶點彈牙，甜中帶酸， 加上多種配料如芽菜和鮮蝦等一起炒，口感豐富惹味！芒芒雪沙同椰青雪山，兩杯飲品賣相吸引，食泰國嘢，飲杯沙冰。中和一下，絕對係一大享受。