點心到 MIX·大排檔

Open Now

Now Closed

成日經過旺角呢間餐廳，Lunch時段總是爆滿，趁住下午茶時段嚟"飲啖茶．食個包"即叫即蒸． 免加一，抵食過茶樓皆因我實在太喜歡食蝦每飲茶必食：點心三寶「晶瑩鮮蝦餃」大大隻鮮蝦夠爽口，蝦嘅比例好誇張，餃皮通透又唔會太厚「原隻蝦燒賣」除咗原隻蝦，連下面豬肉一樣好好食，肉質多汁好Juicy「韮黃鮮蝦腸」腸粉都分好多級數，呢度嘅蝦腸超高質，口感夠煙靭，係我最喜愛嗰種「黑金流沙包」熱辣辣...流心多到湧住出嚟，奶皇味十足「榴槤雪媚娘」榴槤愛好者必食，估唔到冬季唔係榴槤季節，依然食到咁正嘅甜品，裡面加上幼滑嘅忌廉，啖啖榴槤肉，令口感更香更滑。「欖仁榴槤酥」叉燒酥食得多，原來榴槤餡料仲好食，外層酥脆得嚟又唔油膩香港製造．用心調製．味道質數高．以後都首選呢度，唔會再食交貨去酒樓嘅劣質點心。