小印度餐廳

Open Now

Now Closed

最近難得開返堂食，我哋就去咗廟街附近，食印度餐廳。餐廳個名都幾得意，叫小印度餐廳，幾有平民feel，十分親切。入到去唔算大，由於限聚令嘅關係，座位都唔能夠距離得太近，所以其實坐落都唔算話太迫。今次我哋叫咗羊肉咖喱、鷹嘴豆馬沙拉，薯仔千層餅同埋蒜蓉薄餅。咁係主菜之前，店員會提供一個道地嘅醒胃菜，係一個薄脆，配上一啲薄荷葉嘅香草醬，不過造型圓轆轆，難免係會令人想塞少少野落去食，更加想主菜快啲嚟。羊肉咖喱同鷹嘴豆馬沙拉都算係咖哩，我自己就比較鍾意食羊肉咖喱，因為香料味重啲，而且口感比較厚實綿密，食到有洋蔥同蕃茄蓉。我朋友就比較中意馬沙拉，冇咁辣，配上薯仔千層餅，味道非常夾，兩樣嘢唔會話邊個比較突出，好調和。總括嚟講，餐廳地理位置非常好，處於旺區地舖，對於呢啲冷門小小嘅菜式，非常難得，大家行過不妨入去試試。