魚川居 (Moved) New Location

去開觀塘買野，順便係附近食晏，今次試咗間好多人推薦既魚川居。主打川菜，招牌酸菜魚備受好評，一於約埋個friend一齊試下先～LUNCH SET都幾抵食，選擇又多。酸菜豬扒配白飯湯頭鹹香開胃，酸酸辣辣，好過癮，豬扒肉質鬆軟又JUICY，唔會又乾又柴。午餐可以加配小食，揀咗手撕雞同油菜。手撕雞仲可以任揀口味，包括蔥油、沙薑、口水、醉汁、魚川醬、麻酸辣、泡椒等等。最後揀咗沙薑手撕雞，手撕雞無骨啖啖肉夠哂方便，肉質鮮嫩又彈牙，加埋香濃沙薑，正！效外油菜係生菜，都幾新鮮翠綠～紫貝天葵同青檸柚子都係自家製，爽甜清新好解渴。走既時候見到晚市外賣自取酸菜魚/水煮魚有56折，好抵啊，下次試下先！