不過呢間啲確平，所以今次試晚市。
星期六晚九點鐘去，岩岩有人走唔使等位，坐最埋邊四人枱，老闆一落完單即刻將四人枱拆成兩張二人枱，有成2cm距離，如果食完走，隔離兩枱二人要四個一齊出晒門口先可以走到。
其實過一陣有人坐，都仲有其他二人位，但老細都係安排坐我地隔離，對於連坐位都計到盡既餐廳好反感，九點幾仲要留位做幾多輪呢😡
食物個樣係似泰菜，但呢間餐廳太孤寒，十分吝嗇放香料，生菜包肉碎冇辣味、冇香味、冇青檸味，反而加蔥😓
睇幅相都見無辣椒、無金不換等香料。
個生蝦刺生醬非常難食，無味，又唔酸辣，所以頗腥。
菠蘿冰賣相唔錯，即使飲得出係鮮菠蘿整，但係極淡。冬陰公得個辣字，唔酸無椰香。
所有食物調味都好單調，完全唔似食泰菜😩
