雲桂香米線專門店

Open Now

Now Closed

第一次食雲桂香！食吓米線、薯粉，大大碗都幾抵食。通常大商場入面，食肆定價都比較貴，呢間雲桂香喺商場附近，係唔錯嘅平價選擇！熱拌紅薯粉$36- 入面有大量辣肉醬、花生、酸菜，非常重口味。水晶粉口感煙韌，索晒調味料，香辣惹味，唔錯！過橋米線$64- 呢個過橋米線大陣仗啲，店員會幫你將材料倒入去小窩入面，焗幾分鐘就有得食。材料有鵪鶉蛋、蟹柳、墨魚頭等等，墨魚頭都幾爽滑彈牙。不過相信呢度用嘅湯底或者調味料都有味精，食完都比較口渴。