留意到沙田帝都酒店既柏麗廳 The Palate Buffet
出左環球海鮮盛宴自助晚餐
聽到呢個消息既海鮮控朋友即刻約左我去食😉
自助餐由5:00開始 可以食到10:00
裝修時尚舒適 環境寬敞
晚餐時段性價比不俗 食物選擇亦唔少
種類超多元化😚好齊全 物有所值😎
冷盤海鮮類新鮮乾淨 又唔會雪到冰凍
熱食有唔少菜式係由店員即場即時整既 夠晒新鮮熱辣
服務唔錯 補足食物&收碟都好快手
💥海鮮
當然唔少得即開生蠔 🦪&開邊龍蝦🦞
仲有鮮甜多肉既冰鎮蟹腳🦀同少見極甜既阿根廷紅蝦
大快朵頤😇
💥即製熱食
嚴選高質佐賀A4和牛 入口即融 肉香四溢
🥩佐賀A4和牛薄燒 佐賀和牛慢烤鹽麴燒
外層微焦 內裡嫩滑
配上香脆蒜片同蔥絲
完美提升牛肉鮮味
🥩香煎芝士和牛漢堡
直接鐵板上餐 牛肉多汁鮮嫩 仲帶有和牛既油脂感
配埋芝士 非常飽滿邪惡
鴨肝多士份量不少 幾滑身 非常香口
🐖 北海道白樺豚壽喜燒
白樺豚肉質細嫩
油脂分佈均勻
配搭壽喜燒湯底 香濃惹味
💥其他熱食
有多款炒海鮮 岩晒海鮮愛好者
飯粉類 特別提提 卡邦尼意粉&和牛炒飯 好惹味
新加坡肉骨茶 胡椒龍蝦鉗 都係值得一試🤣
好彩係自助餐任食 咁就冇選擇困難既困擾 樣樣都試齊😎
💥其他食物
刺身壽司同樣精彩
三文魚 白身魚各種貝類 及幾款壽司
無論冷盤 熱盤 都可以滿足唔同口味既需求
呢到仲有即叫即煮既粉麵
熱辣辣既湯底同各種配料任君選擇😉
💥甜品&任飲紅白酒🍷
甜品選擇好豐富 總有1款岩口味
仲有心太軟 心意畫碟服務
要慶祝就岩哂喇😝
