咖吔

Open Now

Now Closed

同朋友去咗沙田好運中心商場的咖吔嘆個下午茶，餐廳嘅裝修雅致，座位舒適。新加坡喇沙摻摻$56喇沙湯底香辣味濃，配料豐富有蝦，豆卜，魚蛋，流心蛋等，再配上細緻嘅摻摻麫，味道絕對是令人滿足嘅組合。串燒拼盤$65拼盤有雞肉及蝦各3串，兩款串燒都燒得恰到好處，口感鮮嫩多汁，再配埋個香濃嘅沙嗲汁，好好味呀。牛油果五色米子卷$62米子包住牛油果，蘿蔔絲同青瓜絲，色彩繽紛十分吸引，口感爽脆清新，真係冇得輸。海南雞飯$68海南雞肉質嫩滑，搭配上香氣四溢嘅飯同三款特製嘅醬汁，味道十分美味。香茅青檸荔枝梳打跟餐加$6帶有淡淡嘅香茅味同荔枝嘅香甜，再加埋檸檬嘅酸味，非常解渴。熱香茅鮮橙茶跟餐加$3帶有濃郁嘅茶香同橙味，暖胃又舒服。