翠華餐廳 (Closed)

我本身住沙田，所以都知翠華上個月進軍沙田旺舖。佢開正係太興隔離擺到明係要比拼一下啦，咁良性競爭對於我地呢D消費者係好事黎。今朝一早就同老豆返工前去食個早餐啦。首先當時係大約八點三左右，個埸坐左約七成滿。無人招呼入座，所以自己搵到張卡位就坐低。環境裝潢幾靚，不過完全無人serve我地同抹檯。都係要叫要狂揮手幾分鐘先捉得住個侍應姐姐。我地兩人都係叫左B餐沙爹牛肉麵 + 炒蛋迷你牛油豬仔包 + 熱奶茶。炒蛋迷你牛油豬仔包等左4-5分鍾，以速度黎講佢比一般茶餐廳黎都算耐，以味道黎道佢拍得住一般茶餐廳，係只係拍得住。入得翠華要求當然會高D，但係佢地D炒蛋微溫味道一般(本人食得清淡唔落鹽)，牛油豬外觀OK，食落都係普通貨色。等左十幾分鐘主角沙爹牛麵先黎到。唔知點解樣樣野熱度都係唔夠(包括奶茶)，公仔麵質都算彈口，不過味道又係一般茶餐廳果隻味，冇驚喜。整體黎講，等候時間長，服務OK，食品普通但熱度不足，環境唔錯。價錢黎講大家香港人都知翠華咩野價，如果佢係一般茶餐廳我會覺得佢OK，不過話晒佢係一間翠華，以有要求的客觀角度黎睇，呢個價位唔多值。或者會再試埋晚飯，如果都仲係一般的話我就選擇其他餐廳算喇。