Rosie's Cafe by cafe company (Closed)

聽聞沙田有間日本人氣餐廳，餐廳裝潢都不錯，幾舒適，咁就去試試先。建議用「新城市廣場」手機app拎位，如果唔係都等位時間都頗耐！點選了「香草肉腸肉醬意大利麵配茄子$95」、「沙甸魚波羅薄餅$112」、「烤美國豚肉肉排$108」、「Passion Fruit & Strawberry Black Tea$48」。「香草肉腸肉醬意大利麵配茄子」比較濕，比較普通，味道麻麻地。「沙甸魚波羅薄餅」賣相很特別，有一隻溫泉蛋半熟半凝固咁放係薄餅上面，食既時候是把蛋黃蛋白跟薄餅一拼食，不過薄餅比較薄，有點乾身。「烤美國豚肉肉排」賣相亦都不錯，但奈何豚肉肉排烤得比較乾身好靭，但配菜薯角亦都不錯。「Passion Fruit & Strawberry Black Tea」比較推薦飲既，味道甜甜酸酸，好開胃既飲品。