友田日本料理 (Closed)

假期第一天同家人(共四人)出去吃晚飯, 5:45pm
原本諗住食元氣壽司, 但太多人,
最終都係去左友田, 因為附近實在無乜日本菜好食。

幫襯左幾年, 知道佢地既班底原是由帝都嗰間櫻田過來的,但價錢當然平d。最初幫襯時嗰度既經理同待應既服務非常好, 而且日文非常流利, 又有好多日本客人因此印象非常深刻, 加上食物好味, 不久己成熟客。

尋晚再去既時候, 發覺d經理同待應換曬人,
心想師傅會否都轉埋人呢? 好彩, 雖然d服務無以前咁體貼, 食物方面仍能保持水準。尋晚order左:
1.軟殼蟹手卷(4客) -- 唯一可與元氣"鎮店之寶"軟殼蟹手卷比美的, 軟殼蟹炸得剛剛好, 粉不厚, 不乾, 加埋青瓜絲、蟹柳同蟹子, 不點醬油也好好食, 每次黎到必點菜色之一。

2.炭燒羊扒(1客兩件) -- 羊扒非常嫩滑, 只有一丁點的羶味(如連這一丁點羶味都無, 怎算是吃羊呢)

3.韓式泡菜牛肉飯-- 大過碗牛肉飯, 因無試味所以未能給予意見。

4.子母炒飯(三文魚子+三文魚) -- 材料好多, 一大兜, 份量多過泡菜牛肉飯。飯炒得好乾身, 好香。

5.天婦羅定食-- 天婦羅一向都有水準, 漿薄, 蝦有蝦味但爽, 可惜碗飯不是珍珠米,唯一美中不足之處。

6.雜菜烏冬-- 個湯清清地, 烏冬係偏身嗰隻, 有趙口, 好味。

7.海膽壽司-- 唔夠爭, 無得食, 根據細佬既意見係, "正!好過元氣多多聲~"

8.三文魚刺身-- 無食, 但見d三文魚的脂肪紋分佈得既平均, 同埋以9.9秒速度被掃清, 應該不差掛~

9.牛油焗雜菌-- 比以前差左少少。

整體上食物都keep到水準, 但見佢既舖面已縮左幾多下,擔心好快無得食, 走既時候差不多7:00pm, 已坐左差不多一半人, 有檯成10人既日本客。有vip咭有8折, 折後$495, tips $20, 4個大食既人差不多啦, 最緊要好食。