男友嚟接食飯就揀咗呢間串燒～
.
✧MAIN✧
～螢光魷魚 $36～
味道鹹鹹地幾得意，小腥但可接受
～雞泡魚乾 $68～
正常發揮
不過試過自己岀去買一包嚟焗都好好食
岀去食真係純粹比人賺&過下口癮
～唐揚豬大腸 $40～
呢個係全場最驚喜😳✨
份量多而且好香口又夠熱，非常好食！
～燒賣 $14～
係魚肉嘅燒賣，好食又脆口👍🏻
.
～薄切牛舌 $28～
意外地好食而且無燒過龍🤣
.
～日本雞皮 $26～
不能接受嘅價錢同質素
食完都唔知自己食咗乜
.
～日本雞心 $26～
無可避免有啲內臟臭味，唧咗啲檸檬汁好少少
.
～雙重芝士煙肉大啡菇 $44～
正常發揮，而且芝士落得好足
～羊肉串 $24～
好食又燒得幾香！
～燒汁紫菜燒年糕 $24～
外皮係香脆，不過入面唔夠軟糯
火候唔夠整到日本年糕嗰種可以拉長嘅溫度
✧OTHER✧
舖面好細，坐位較逼
明明只係串燒店但岀面掛個居酒屋燈籠😂
店員態度好好，去前打咗去問夜晚有無開堂食
先知原來可以book位仲即刻留咗位比我同男友
.
✧SUMUP✧
整體嚟講係幾好食
但價錢偏貴，完全不能稱上性價比
位置偏僻，未去過的路痴真係繞咗啲冤枉路😂
真心唔會去第二次了
不過真係好食嘅，所以都會比好評✨
我諗對馬鞍山人嚟講都可以叫做過下口癮🫣
.
有感而發一下，食串燒都非常建議堂食
見有袋户户送由我哋入座之前已經整緊
整到我哋差不多食完個司機嚟埋都話仲未燒好晒
雖然唔知個外賣有幾多同叫咗乜
但經第三方外賣平台叫串燒或炸嘢類
再話食落唔脆又凍嘅人真心傻仔😃
