皇玥 (Closed)

皇玥終於來到大埔開門市，唔駛等網購，可以直接喺門市買，而且門市選擇更多，更新鮮。皇玥除咗最出名的月餅，其他脆曲奇、蛋卷、蝴蝶酥等都好吸引。今日就買咗兩盒餅返去孝敬阿媽。 牛油脆曲奇精裝禮盒 $108 ，蕃茄薄脆精裝禮盒$68。牛油脆曲奇精裝禮盒 $108 經典曲奇鐵盒包裝，打開係一塊塊搶眼的紅色包裝脆曲奇，係咪好適合送禮呢。每塊脆曲奇都係獨立包裝，確保曲奇鬆脆。一口咬落脆曲奇，yummy，厚薄適中，好香牛油味，開完一包又一包。即刻沖返杯靚茶🍵，慢慢嘆。🍅蕃茄薄脆精裝禮盒$68精裝禮盒一盒兩包薄脆。薄薄一片，比曲奇更為輕盈脆口。以蕃茄加入餅食，打破牛油做主角的悶局，蕃茄薄脆的香脆酸甜真係令人欲罷不能。