Video
Read full review
2010-05-30
104 views
29-5-2010早前有幸收到「5 頭鮑」試食晚宴的邀請, 卻因公事纏身無幸出席 , 是日一行 9 人為朋友 K 提早慶祝生日, 誤打誤撞竟然嚟了呢度 , 不過大家都無乜意欲食得太「豪」,「5 頭」新鮮鮑還是無緣見識了. 四喜併盤: 有叉燒, 雲耳, 涼拌青瓜及海蜇, 每樣少少啱晒我哋呢班懶人 幾款只得爽身又帶麻油香的海蜇好食; 涼拌青瓜算香辣, 但咬落實實的 (唔係「拍」的吧?); 雲耳唔夠爽脆又唔太夠「涼」; 而叉燒就又瘦又嚡又太乾身, 認真麻麻.西芹炒雙蚌: 炒得熱辣辣, 調味得宜, 西芹清脆無渣, 珊瑚蚌及桂花蚌亦夠爽脆, 唯一唔好就係較多油. 質素較「大路」的一味, 不過都叫穩打穩紮的, 算啦.賽螃蟹: 而家 d 人怕死, 唔供應生蛋黃其實都唔係新鮮事, 不過蛋白炒到一舊舊又一團團粉, 淋上酸而不香的鎮江醋, 再拌勻黐埋一堆的薑絲, 好唔好食你話喇. 雙蔥爆牛柳絲: 炒得幾油, 牛柳絲切得好幼, 咬落軟熟度一般, 唔多食到肉味, 醬汁亦調得有點太鹹; d 蔥就爽甜無渣, 不過似韭黃多 d? 洋蔥就無食了.黃金脆皮雞: 炸得有點油膩, 白肉幾實又幾嚡, 黑肉
早前有幸收到「5 頭鮑」試食晚宴的邀請, 卻因公事纏身無幸出席 , 是日一行 9 人為朋友 K 提早慶祝生日, 誤打誤撞竟然嚟了呢度 , 不過大家都無乜意欲食得太「豪」,「5 頭」新鮮鮑還是無緣見識了.
四喜併盤: 有叉燒, 雲耳, 涼拌青瓜及海蜇, 每樣少少啱晒我哋呢班懶人 幾款只得爽身又帶麻油香的海蜇好食; 涼拌青瓜算香辣, 但咬落實實的 (唔係「拍」的吧?); 雲耳唔夠爽脆又唔太夠「涼」; 而叉燒就又瘦又嚡又太乾身, 認真麻麻.
西芹炒雙蚌: 炒得熱辣辣, 調味得宜, 西芹清脆無渣, 珊瑚蚌及桂花蚌亦夠爽脆, 唯一唔好就係較多油. 質素較「大路」的一味, 不過都叫穩打穩紮的, 算啦.
賽螃蟹: 而家 d 人怕死, 唔供應生蛋黃其實都唔係新鮮事, 不過蛋白炒到一舊舊又一團團粉, 淋上酸而不香的鎮江醋, 再拌勻黐埋一堆的薑絲, 好唔好食你話喇.
雙蔥爆牛柳絲: 炒得幾油, 牛柳絲切得好幼, 咬落軟熟度一般, 唔多食到肉味, 醬汁亦調得有點太鹹; d 蔥就爽甜無渣, 不過似韭黃多 d? 洋蔥就無食了.
黃金脆皮雞: 炸得有點油膩, 白肉幾實又幾嚡, 黑肉亦一般嫩腍, 不過雞皮都叫幾脆, 算吧.
宮廷醬烤骨: 肥 vs 瘦比例約 3:7, 肥部分尚算「入口即溶」, 不過唔算香, 瘦肉就完全唔鬆化, 幾沮喪; 醬汁蕃茄味較重, 又有幾舊(罐頭)菠蘿喺入面, 味道就唔夠酸香, 感覺麻麻. 呢味同「送飯一流」有一段距離, 奉上蒸饅頭同吃其實亦於事無補, 有點失望喎.
黑木耳百合炒勝瓜: 賣相「立立令」, 只食了雲耳及百合, 前者唔夠爽脆, 後者就清清甜甜的, 食落 sok sok 聲, 整體印象 ok.
上湯浸莧菜: 賣相普通得我連相都費事影, 但莧菜浸得好嫩, 仲有我最喜歡的粉粉軟軟, 食完勁口臭的蒜子, 呢碟最快清碟!
環境我又唔覺得特別靚或好坐, 不過地方乾淨, 招呼又不錯就係真的, 配套算係咁吧.
唔知是否因為主打「豪食」, 是日幾款「平民」食物實在行貨, 每人約 $120 埋單絕對可以有更好的選擇; 不過見返大半年無見的朋友們, 笑了成晚實在痛快 , 期待 7 月再見大家!
Post
