見網上評價不錯，就去試試。
我跟朋友都點了肉醬漢堡為晚餐，選擇了是日餐湯，加錢要咖喱炸番薯條。
是日餐湯望上去似南瓜湯，但入口時有少少酸，問服務員下，他們有禮貌地回答湯內加了少少橙汁所以個湯帶點酸味。
主菜肉醬漢堡，望落去賣相非常好，漢堡size很大，還有薯格，非常豐富。
可惜一放入口，他們的漢堡只是夾着肉醬來調味，如果你單單試漢堡肉，完全冇落調味料，漢堡肉質還可以，但偏乾，如果係加番啲調味料應該都幾好食。其實離不開都係鹽同胡椒，究竟廚師係唔記得還是特登？真係好大嘅疑問🤔️
最好食嘅都係炸番薯條，我哋差唔多食晒。
不得不提他們的餐具，我見隔離枱食牛扒，他們用一隻木碟承載，客人一邊切牛扒隻碟就不停地擺，他們供應的刀叉，十分細小完全唔適合食牛扒。
單每人$200有找，價錢可以接受，但如無意外我都應該唔會再返嚟食，因為荃灣實在太多選擇
