Dawn (Closed)

Dawn 位於太子花園街，一間非常有實力嘅小店，我食過N咁多次，依然保持到水準。想同大家分享吓，久唔久我就會想食嘅幾樣野。 我最鍾意飲佢嘅 Expresso Tonic，佢係我試過咖啡同梳打水最恰當嘅比例既一間餐廳，咖啡香氣濃郁之餘帶點甜，適合天氣熱或很怕咖啡苦味的人士。夏天限定的女巫凍蕎麥麵加烏冬，佢用咗紅菜頭汁酸酸甜甜，感覺清新一啲都唔肥膩，仲有好多小墨魚同菇菌，非常之煙韌，口感很好，賣相也非常之吸引。長青之選，熱辣辣有營養豐富的北非焗蛋。即叫即整，濃郁嘅蕃茄味，加上唔同嘅香料，配埋香脆嘅麵包，每一啖係口腔內百花齊放，非常值得一試。