Mee...lemongrass (將軍澳中心) (Closed)

今日同朋友一起放假，我地去左將軍澳中心行街，順便食埋午餐我地選擇一間食泰菜的餐廳又有台式飲品飲。秘製特色牛骨湯河有牛肉，牛丸，牛腩和牛柏葉，牛肉嫩滑，牛丸爽彈，牛腩又夠淋又入味，牛柏葉又爽口，河粉又滑溜，湯底又好濃厚牛味重。馬來蜜汁炭燒厚切豬扒配特色菜飯，蜜汁厚切豬扒真是好入味唔點秘製醬汁都已經好好味，豬扒肉質嫩又份量十足，沾上秘製醬汁辣辣地又好正，菜飯又香菜粒好爽脆飯又軟硬適中。小食拼盆有蝦餅，串燒，雞翼，春卷，無骨鳳爪，蝦餅好香口又彈牙，雞翼外皮脆肉嫩，春卷又好好味，無骨鳳爪又入味。蒜蓉炒通菜又幾香幾好味。凍頂烏龍奶蓋和芒果芝芝兩杯都好好飲。