梨和園韓日料理 (Closed)

看到雜誌廣告話梨和園韓日網燒放題旺角新店開左,一心想去試下,日式燒肉食得多,韓燒自助餐都食唔少,周圍都有,食物都差不多,韓式網燒我係第二處食過,但我的朋友話未試過韓式網燒,於是係旺角行完街便一行三人星期六晚10:30上去試試,上面全層地方好大,起碼有三四十張枱,去到唔駛等位,有五六枱客食緊,我地坐下後便開始拿野食,生肉有十幾款有牛仔骨雞翼魷魚多春魚朱扒,我見枱上的爐是普通韓式鐵板,便叫侍應幫我換番網燒的網,侍應話網燒會好大煙的,我話無問題,因為一心上去係想食韓式網燒,我周圍睇下其他枱有無好大煙,但無一張枱用網燒,我地各人拿了野食就開始燒了,一開始燒左幾塊牛仔骨同幾隻蝦,食物一放上網已經開始出白煙,我以為火太大,就把火調細,一邊等一邊食住熟食先,熟食選擇不多,我試了咖哩炒蟹但唔辣同蟹肉唔新鮮梅梅地,豬腳姜D豬腳就好硬未夠火侯,唯有食住幾舊壽司同前菜頂住肚先,但D壽司應該放左好耐,D紫菜濕到咬唔難,可能因為個爐火較細左,等左成20分鐘D牛仔骨同蝦先燒好食得,好肚餓急不及待即刻食,牛仔骨味道好咸同有雪味,蝦就反而OK可能因為無葉過,再放牛肉同魷魚落網去燒,個爐一放食物又開始大量出白煙,發覺越