福滿源 (Closed)

當然4蚊碗粥，沒有幾多白果都無可厚非。上個月最凍的幾日都要返早，七時多人已有中環。天寒地凍，北風呼呼吹，肚子空空的特別難受，想食碗熱粥暖肚，當時一諗就諗起威記。在行去的途中途經石板街，見這裡晨早有賣銀杏白粥，在貪新鮮的心態下，來了試下。呢度都有幾多野食，中西早餐都有，又有即拉腸粉及粥，不錯。這裡是自助式的，叫了碗白粥，加例牌早餐~鴦走同奶油多。蔥花任加，我當然不會客氣，白粥不算綿滑，撈落沒有白果在內，但吃到隱隱的銀杏味道，相信是有下，但不多，當然亦不會幸運的落了在我這碗粥內。不知何解，忽然懷念華姐清湯腩那煲得軟糯的白果。鴦走當然不能與勝香園相比，奶油多雖然薄薄的，但幾多奶油又烘得脆口，及格的。埋單17蚊，食左碗粥，全身暖洋洋的，好舒服。不過下次都係唔好貪新鮮，都係去番威記穩陣。