忠記咖啡屋 (Closed)

西灣河有間新開的「忠記咖啡室」, 名字似曾相識。咖啡室茶餐廳格局, 枱罷放十分隨意, 有些迫及混亂。牆上貼了有關「忠記咖啡室」的報道, 原來這家餐廳正是銅鑼灣歷史悠久的「忠記咖啡室」。六、七十年代街邊大排檔、八十年代大排檔清折搬入鋪、九十年代開分店。經歷時代變遷、典型獅子山精神。下午茶餐有多款選擇, 價錢已不再是經濟實惠。磚頭西多士$3O西多士用2片麵包做成, 西多士炸得金黄而且厚身, 賣相吸引。塗上牛油及糖醬, 美味又邪惡。干炒牛河$38迷你干炒牛河要$38真係超越茶餐廳。一望顏色不夠平均及不夠色水。河粉沒有條條分明的效果, 另外有部份河粉炒燶有焦。用$38換這干炒牛河不太對稱。海南雞飯$54當然要試下海報上介紹這裡推介菜式。例湯足料無味精, 可是油脂多而且浮上面。雞油飯味不太香濃, 跟白飯分別不大。雞皮滑, 皮下脂肪不多, 賣相不錯。雞肉嫩滑, 但冇乜雞味。這個海南雞飯不見突出, 老爸話太安樓裏面間「海南雞專門店」只需$25, 味道差不多但價錢平得多。奶茶:茶味比較重的奶茶, 感覺只是一般。