Video
Read full review
2012-11-28
3756 views
將軍澳區最近有幾間4星酒店開張，响酒店頂層位置有間 "星幕" 開張，標榜九龍東高級酒店餐廳，而且聽個名都好吸引，諗住朋友生日，不如去試一試新地方啦。位置响將軍澳站POPCORN商場樓上，其實個入口都唔咁明顯，响商場內有個走廊位行入去。但係去到酒店門口，個裝修都好靚，搭電梯上47樓，諗住上到咁高層唔知會睇點樣的靚夜影呢？去得呢D酒店食飯，一心都諗住應該主要都享受個服務和內裡的裝修。但係，唔知係响市區關係，去到餐廳，內裡都裝修好靚，但係望出去個夜景就係全部屋村，感覺上有點兒奇怪，同餐廳內裡的裝修有點兒格格不入。坐低左，侍應的招呼好好。用心介紹餐廳各種食物，服務級數都有五星級酒店水準。 經侍應推介，叫左幾個MAIN COURSE，海鮮潤條麵，羊扒，肉扒蛋飯。同一般酒店餐廳一樣，餐前有都會有法式麵飽，配橄欖油和黑醋，D麵飽都算新鮮，而且款式都有幾種，而且可以任意添加，作為餐前小吃，都係算不錯。個南瓜忌廉湯， 南瓜味好出，而且個湯唔會太稀和太淡。跟住幾個MAIN COURSE都陸續送上，幾個MAIN COURSE都不過不失。海鮮潤條麵和肉扒蛋飯，食落都幾好味，但係份量充當中最特別一提係個羊扒，食
位置响將軍澳站POPCORN商場樓上，其實個入口都唔咁明顯，响商場內有個走廊位行入去。但係去到酒店門口，個裝修都好靚，搭電梯上47樓，諗住上到咁高層唔知會睇點樣的靚夜影呢？去得呢D酒店食飯，一心都諗住應該主要都享受個服務和內裡的裝修。但係，唔知係响市區關係，去到餐廳，內裡都裝修好靚，但係望出去個夜景就係全部屋村，感覺上有點兒奇怪，同餐廳內裡的裝修有點兒格格不入。
坐低左，侍應的招呼好好。用心介紹餐廳各種食物，服務級數都有五星級酒店水準。 經侍應推介，叫左幾個MAIN COURSE，海鮮潤條麵，羊扒，肉扒蛋飯。同一般酒店餐廳一樣，餐前有都會有法式麵飽，配橄欖油和黑醋，D麵飽都算新鮮，而且款式都有幾種，而且可以任意添加，作為餐前小吃，都係算不錯。
個南瓜忌廉湯， 南瓜味好出，而且個湯唔會太稀和太淡。跟住幾個MAIN COURSE都陸續送上，幾個MAIN COURSE都不過不失。海鮮潤條麵和肉扒蛋飯，食落都幾好味，但係份量充當中最特別一提係個羊扒，食落完全唔覺得有 "騷"，幾適合怕騷味的朋友去試一試。值得一提係全部食物都係用 "熱碟" 上菜，證明餐廳會用保溫機，暖住D碟上菜，呢個做法都係得高級餐廳先會做到。
同朋友興祝生日，當然要有生日蛋糕。但係諗唔到原來餐廳都收切餅費，仲要成HK$200元咁多。呢個真係有少少失望。
食完飯仲有少少時間，餐廳出面有個露天酒吧，同幾個朋友食完飯就去出面坐低飲多杯野傾下計。環境，設備唔錯，但係四周圍都係望屋村樓景FEEL，望上個天，都睇唔到有咩夜景和星星，真係有點怪怪地。
以呢個價錢，响呢個地段能夠享受一定級數的服務和食物，都算係一個不錯的選擇。但係要欣賞夜景去談心，咁就差少少呀。
Post
