壹茶 (Closed)

黎到葵芳總會比一大堆飲品鋪頭包圍，心大心細唔知買邊間，因為知道一杯已經係極限！只可以揀一杯！今日就試左呢間—壹茶！因為朋友比佢個牛油果脆脆吸引左！牛油果脆脆：呢杯野飲用牛油果打成沙冰，上面加左幾塊粟米片，飲落淡淡牛油果味，牛油果味如果可以再多啲就好啦！杯野唔甜，飲到最尾都仲有牛油果味，唔會因為溶冰而改變味道，值得推薦，唯獨是面頭既脆脆由一開始到尾都食唔到，感覺有少少多餘！👌🏻👌🏻櫻花芒芒：完全比佢張相同佢個名欺騙左！杯野飲係一粒芒果粒都冇架！其實都唔知自己飲緊咩！係一杯綠茶味既野，加左啲爆珠，白色一粒粒既我估係蘆薈粒！最頂加左片青檸，但真係麻麻地好飲！說好的芒芒呢？👎🏻👎🏻夏日火龍果：賣相好靚！好有夏日feel ！最底有片青檸，跟住中間係淡淡卜既青檸沙冰，最高係紅肉火龍果汁，啲顏色配搭係好靚，但好可惜，飲落係冇咩味，只有極少既青檸味，火龍果味完全唔出，好似淨飲冰咁！簡單嚟講得個樣！👎🏻👎🏻👎🏻