Hanjan (Closed)

一行5人趕食lunch。冇計，唯有搵間最少人嘅入。入到去，冇冷氣，好焗。其中一個同事大緊肚，問侍應姐姐可唔可以開風扇，應咗當聽唔到。啲食物嚟到，有隻小強出現行嚟行去。同個侍應講，佢竟然反我一下眼之後扮殺死小強就算。唔通入嚟食嘢係送小強？份餐包架？食物難食，勁油。叫咗個麵，啲牛肉肥膏多過肉。上餐飲倒瀉半杯喺枱唔抹番。最尾知衰話因爲冷氣壞咗俾折。算把啦。和安里間間餐廳lunch time 都大排長龍，係得佢唔駛排。呢間野，永世入黑名單。