香港仔一品魚蛋王

Open Now

Now Closed

作為牛頭角寫字樓區近海濱道嗰邊嘅朋友，想食碗腩河又唔想走到上牛頭角道咁遠，呢度無疑係一個折衷嘅選擇，印像中呢度應該只係開咗兩三個月，十二點半經過都經已見到門口排緊隊喇，不過又係，池中無魚蝦自大，附近都無粉麵舖，一衆港豬們都無得揀。（如果有朋友知道附近有嘅話麻煩話聲我知，將感激不盡。）嗌咗個牛腩河，加杯凍檸茶，全日套餐36蚊。牛腩係清湯腩嗰啲嚟嘅，湯底清淡，明顯師傅唔多，個清湯腩都算幾入味，不過肥膏位佔咗一半，怕肥嘅我就略嫌太多肥膏喇，侍應們嘅招呼都算幾好，老闆娘仲好落力喺門口拉客添。