Video
Read full review
2011-07-30
151 views
坑口區人口唔少, 但好似五間中式酒樓都唔夠, 但週末呢D旺季間間酒樓都大排長龍...在無咩選擇下, 呢間真味鮮廚算質素比較好同多人等~但係, 旺場的原因唔係佢特別出色, 只不過在無咩選擇之中, 一般水準已經在比較之下係"最"好但其實同個"好"字距離仲係好遠LO... 本來平日都會黎下打邊爐飲下茶, 一向食物質素叫不過不失, 今次令我忽然想上黎寫食評, 係因為一餐食到一肚火 今晚同家人一行16人黎食飯慶祝, 預早3日BOOK, 但只得兩間時段: 6:30或8:30其實6:30食晚飯有點做, 但酒家要做兩輪, 迫於無奈選擇了6:30第1個不滿, 係佢地一D都唔Flexible去到叫餸落單, 叫幾樣野都話無, 只係第一輪晚市竟然可以咩都無? 即為第2個不滿到終於叫哂餸, 個落單AR姐拎走張單, 15分鐘都唔拎返黎, 期間時不時有其他AR姐問我地張單去左邊...搵左好耐佢地終於搵返張單, 又走黎同我地講冬瓜盅賣哂, 點解唔係一開始同我地講無?仲要過左15分鐘先話無? 此為第3個不滿最跟住, 我地本來睇到POSTER寫粉絲肉蟹煲特價$78, 叫左兩個,又無LALA有個AR姐走黎話星期6要收正價$
在無咩選擇下, 呢間真味鮮廚算質素比較好同多人等~
但係, 旺場的原因唔係佢特別出色, 只不過在無咩選擇之中, 一般水準已經在比較之下係"最"好
但其實同個"好"字距離仲係好遠LO...
本來平日都會黎下打邊爐飲下茶, 一向食物質素叫不過不失, 今次令我忽然想上黎寫食評, 係因為一餐食到一肚火
今晚同家人一行16人黎食飯慶祝, 預早3日BOOK, 但只得兩間時段: 6:30或8:30
其實6:30食晚飯有點做, 但酒家要做兩輪, 迫於無奈選擇了6:30
第1個不滿, 係佢地一D都唔Flexible
去到叫餸落單, 叫幾樣野都話無, 只係第一輪晚市竟然可以咩都無? 即為第2個不滿
到終於叫哂餸, 個落單AR姐拎走張單, 15分鐘都唔拎返黎, 期間時不時有其他AR姐問我地張單去左邊...
搵左好耐佢地終於搵返張單, 又走黎同我地講冬瓜盅賣哂, 點解唔係一開始同我地講無?
仲要過左15分鐘先話無? 此為第3個不滿
最跟住, 我地本來睇到POSTER寫粉絲肉蟹煲特價$78, 叫左兩個,
又無LALA有個AR姐走黎話星期6要收正價$128, 問我地O唔OK
我地費事花時間再諗叫咩, 都算喇硬食, 但心中好不爽, 你地究竟熟唔熟D菜牌同優惠?
點解又係唔一開始同我地講? 此為第4個不滿
到個蟹煲上桌, 我地全部人都O哂咀, 粉絲得好少, 個煲係好大GE, 但內容物只得個煲的一半
收正價都算, 但份量唔好同POSTER爭咁遠!!! 此為第5個不滿
但令我最最不滿的係, 在我訝異緊煲蟹的份量時,
有位上菜AR姐將成壺茶倒左落我身邊個裝滿公司文件的環保袋
我個袋入面D文件全部濕哂, 但個AR姐完全好似無件事咁...
淨係話, "我唔知你有袋野在度AR"
大姐, 如果你知道無野係咪就可以倒瀉水? 同埋如果你再淋偏少少就係我個人濕身
跟住我拎個袋D文件出黎用紙巾印返D水, 有另一個上茶AR姐仲走黎話我, "小姐你唔好阻住我上菜LA"
最搞笑係仲有個AR姐拎塊枱布黎同講, "小姐你用枱布冚住好D喎"
我D文件都濕哂拎張枱布俾我冚住唔使乾LA
結果我餐飯食到一半就要衝返屋企攤返開D文件吹返乾...
而成件事無一個經理/部長出現, 亦無一個人向我道歉, 反而我仲要俾D上菜AR姐怪責
我唔明一間集團式食肆點解都可以咁
我絕對會BLACKLIST呢間野, 海港集團雖然你生意唔憂做, 但長此落去我肯定無人想幫襯你地!
Post