王家沙．花樣年華 (又一城) (Closed)

好耐冇黎又一城，人流比之前少咗好多，不過仍然係食晚餐嘅好地方，經過見到王家沙變咗另一個樣貌，菜式都有改變，所以試一試佢。《蟹粉小籠包》外皮夠薄，湯汁亦都幾多，蟹粉味都算突出，整體來講幾高質。《上海話梅骨》細細舊食起嚟更加滋味，排骨肉唔乾身，而且醬汁啱啱好，醋味香濃，甜甜地好好食。《韭黃炒鱔糊》略嫌汁太多，食得多會覺得有啲鹹，不過味道都唔錯，鱔糊比較林。《石鍋鮑魚飯》整餐飯最喜歡的一個菜式，配料好豐富，炒得好香，如果飯可以乾身番少少就更好。《五香牛展擔擔麵》花生醬湯底，好濃郁之餘唔會好‘傑’，所以唔會食到好飽濟。麵條幾爽口，牛展方面正正常常都幾淋，好味！ 總括嚟講，王家沙花樣年華俾我感覺更有驚喜，菜式多而且味道唔錯，係聚餐之選。