YAKITORI KOBAKO

Open Now

Now Closed

汕頭街一家主打串燒的餐廳，樓上仲有個12人Party Room房，星期四五六營業至凌晨2點，食到夜啲都得。呢度既日藉串燒師傅來自涉谷60年歷史的串燒店，最勁係有全港唯一18CM長串燒。燒牛小排 $138牛小排厚道適中，入口軟嫩多汁有燒香，加點wasabi味道更突出。蕃茄沙律 $58蕃茄大大個，清新爽口，難得酸味唔霸道。雞肉棒 $48香蔥豬肉卷 $40蔥燒雞肉串 $45Kirin Ichiban Beer $48主打的串燒都好有質素，以濃郁蔥香做平衡的香蔥豬肉卷同蔥燒雞肉串，仲有蛋漿配合的雞肉棒，點可以唔飲番杯啤酒。燒明太子 $70切成小片小碟，一口一件，佐酒一流。雞翼餃子 $58雞翼皮燒得好吸引，一咬就感受到非常飽滿，真材實料。鐵板餃子 (8個) $68餃子皮薄，又做到香脆爆汁，配埋重麻油香的餃子汁食係幾正。冷烏冬 $88同想像好有出入，冇諗過係咁豐富又大碗。加入冷烏冬汁撈勻，然後可以再加其他調味，烏冬煙韌彈牙，蛋漿帶來更順滑的口感。最後要提提個前菜，係好有水準的牛腩。