Video
Read full review
2024-01-05
129 views
本人永遠唔會再幫襯呢間舖簡而言之：某啲店員毫無理由地黑口黑臉對客+被店員落錯幾次單店員仲黑臉嫌麻煩+限時90分鐘用餐但係啲嘢食超過90分鐘都嚟唔齊仲要催人走+有機率食到有釘書機釘嘅料理※※※本身見網上都幾多人推薦，於是約班fd收工試吓點知就咁上咗賊船首先，帶位嘅店員已經好黑臉中途發現其中一串翠玉瓜竟然有一口釘書機釘，好彩發現得早，無食到（本來打算小事化無，所以無影相，點知店員嘅態度差到唔PO唔得）後來點第二輪串燒，明明點完第一輪串燒嗰時店員會俾返張單我地睇，結果點完第二輪唔知點解唔俾返我地然後等咗20分鐘左右，點咗大約6~7串串燒，1串都無嚟，同店員反映＋問張單會唔會俾返我地，佢話會，亦會幫我地睇睇張單咩情況結果好悲劇咁發現店員落錯單：一款串燒落多咗數量，另一款串燒直接無落單消失咗......我地仲要幫店員做proofread......proofread完以為搞掂張單，結果完●全●無●改●過上菜嗰時嗰款串燒依然都係多咗，仲嚟多咗款無叫嘅串燒，唔啱數又要搵店員結果嚟咗一個超黑臉女店員，佢聽完，黑住臉咁去後場拎單，又黑住臉咁返嚟俾張單我地睇張單同上次嗰張一樣，落多咗數量嘅繼續多，消失嘅串
簡而言之：
某啲店員毫無理由地黑口黑臉對客+被店員落錯幾次單店員仲黑臉嫌麻煩+限時90分鐘用餐但係啲嘢食超過90分鐘都嚟唔齊仲要催人走+有機率食到有釘書機釘嘅料理
※※※
本身見網上都幾多人推薦，於是約班fd收工試吓
點知就咁上咗賊船
首先，帶位嘅店員已經好黑臉
中途發現其中一串翠玉瓜竟然有一口釘書機釘，好彩發現得早，無食到（本來打算小事化無，所以無影相，點知店員嘅態度差到唔PO唔得）
後來點第二輪串燒，明明點完第一輪串燒嗰時店員會俾返張單我地睇，結果點完第二輪唔知點解唔俾返我地
然後等咗20分鐘左右，點咗大約6~7串串燒，1串都無嚟，同店員反映＋問張單會唔會俾返我地，佢話會，亦會幫我地睇睇張單咩情況
結果好悲劇咁發現店員落錯單：一款串燒落多咗數量，另一款串燒直接無落單消失咗......
我地仲要幫店員做proofread......
proofread完以為搞掂張單，結果完●全●無●改●過
上菜嗰時嗰款串燒依然都係多咗，仲嚟多咗款無叫嘅串燒，唔啱數又要搵店員
結果嚟咗一個超黑臉女店員，佢聽完，黑住臉咁去後場拎單，又黑住臉咁返嚟俾張單我地睇
張單同上次嗰張一樣，落多咗數量嘅繼續多，消失嘅串燒繼續消失，請問剛才proofread係做咩？？
我地同黑住臉嘅佢又proofread多一次，真係大癲
proof完想順便問佢拎杯水，佢理都唔理我地直接黑住臉秒走人，咁嘅態度俾人嘅感覺真係好差
食完打算埋單，數數發現仲有2串串燒未嚟，但係距離落單已經過咗好耐，最後另一個黑臉男店員幫我地取消咗
問佢可唔可以俾張單我地睇，佢黑住臉咁拎單俾我地，仲加句「睇完順便埋單啦」
經歷完一連串黑臉，真係嬲到連服務費都唔想俾 ( 當然我地有俾 )
後來先知原來限時90分鐘(可能係咁所以佢催我地埋單)，但係我地完全見唔到相關提示，店員亦無提過
食物唔係搞錯就係漏單，上菜又偏慢，最後仲有2串串燒無嚟，試問90分鐘內都嚟唔齊食物，叫人點埋單？
※※
串燒方面，燒菠蘿同燒粟米幾好食，甜甜地，烤度啱啱好
陀地燒茄子
$30
11 views
0 likes
0 comments
燒茄子夠大碟，不過都幾辣，個人認為辣料太多
翠玉瓜串
$8
9 views
0 likes
0 comments
燒翠玉瓜都唔錯，可惜呢串燶咗
招牌牛肉串中規中矩；
元貝都好食，小辣，不過辣得嚟夠惹味
※※※
btw，超黑臉女店員由頭燶到尾，仲要對每枱客人都係咁燶
見到有其他枱客人都被漏單，仲有白等30分鐘先知一直都無落佢單嘅客人 =]
Post
