Read full review
2017-06-02
2591 views
幼年時爸媽已帶我幫襯林記了，印象中由 $8 蚊碗飯食到依家 $14 蚊，由大埔臨時街市轉到依家新街市。依家仲係 $14 蚊碗，真係好平好抵！全港 no.1 既林記排骨飯去了那裡呀？新明發升到 Top 1 ！最初走到新明發，但東主有喜休息七天，唯有走黎林記食啦！過份的增磅日，紅洋蔥小籠包晚餐、after 5 生蠔加三多炸雞髀宵夜，臨瞓前還要整碗林記排骨飯，要操多幾日消脂先得喇！每朝街市熟食檔都人山人海，等位是必然的。林記又平又抵又唔太差既經濟點心同蒸飯，當然坐無虛席啦。剛才食個撈麵仔點夠我食喎，走黎排隊加多個排骨飯就差唔多！飲酒到清晨五點多暈住飄到林記嘆早飯呢！琴日朝先飲通宵再黎宵夜，今日又黎清晨五點幾醉昏昏食排骨飯，想肥死人咩！咸水角，外脆內嚥韌，香口就香口，但一咬噴由，少許肉碎作餡，味道還算可口。鮮竹卷，唔似蠔汁又唔似上湯，界乎兩者之間。腐皮夠軟棉嚥韌，吸得芡汁透徹，整條塞入口不讓半滴精華流失！肉鬆菜蔬融會，卷內蘊藏大量可口汁液，一咬爆汁，有如洪水般滋養味蕾，滋味無窮。山竹牛肉，結實牛肉球混上時蔬、香蔥，但青味使我吃不消，因我什麼都要走蔥的呢！淋下大量喼汁，不停打滾讓肉球均勻地沾滿再
依家仲係 $14 蚊碗，真係好平好抵！全港 no.1 既林記排骨飯去了那裡呀？新明發升到 Top 1 ！最初走到新明發，但東主有喜休息七天，唯有走黎林記食啦！
過份的增磅日，紅洋蔥小籠包晚餐、after 5 生蠔加三多炸雞髀宵夜，臨瞓前還要整碗林記排骨飯，要操多幾日消脂先得喇！
每朝街市熟食檔都人山人海，等位是必然的。林記又平又抵又唔太差既經濟點心同蒸飯，當然坐無虛席啦。
剛才食個撈麵仔點夠我食喎，走黎排隊加多個排骨飯就差唔多！飲酒到清晨五點多暈住飄到林記嘆早飯呢！琴日朝先飲通宵再黎宵夜，今日又黎清晨五點幾醉昏昏食排骨飯，想肥死人咩！
咸水角，外脆內嚥韌，香口就香口，但一咬噴由，少許肉碎作餡，味道還算可口。
鮮竹卷，唔似蠔汁又唔似上湯，界乎兩者之間。腐皮夠軟棉嚥韌，吸得芡汁透徹，整條塞入口不讓半滴精華流失！肉鬆菜蔬融會，卷內蘊藏大量可口汁液，一咬爆汁，有如洪水般滋養味蕾，滋味無窮。
山竹牛肉，結實牛肉球混上時蔬、香蔥，但青味使我吃不消，因我什麼都要走蔥的呢！
淋下大量喼汁，不停打滾讓肉球均勻地沾滿再豪邁地整粒塞入口，塞得嘴仔滿滿，感覺良好！大部份蔥味已被濃濃喼汁味道所掩蓋，強烈酸咪咪甚是開胃醒神，啖啖肉不錯的選擇。
鵪鶉蛋燒賣，馳名招牌菜，肥豬肉混在瘦肉之中，比例恰到好處，豬油豬膏甘甜但不油膩，強力的催化劑使到味道更香濃出眾。
不知道何解肥豬肉跟鵪鶉蛋十分相襯，古人的智慧結晶嗎？蛋黃香、蛋白滑彈、肉球多汁嚥韌有彈性，滿分無法挑剔，一口品嚐多種味道與質感，無比幸福。
豉汁蒸鳳爪，沒有油淋淋，亦沒有厚厚而杰撻撻的醬汁包實，清淡蠔油豉汁來得更清爽舒服。炸爪皮爽肉彈，損損腳指瘦瘦臉頰，有得食又有得運動消脂，一舉兩得。
四寶雞紮，芋頭不合我胃口，用蟹柳或火腿更好啦。點解無魚肚既？路上跌左嗎？
大陸大紅色塑膠蟹柳，最討厭的強國出產，甜味重到濁，質地膠而鬆散。我要日本北海道牌架！連百佳、惠康都賣大陸翻版北海道蟹柳，包裝一模一樣仲印埋日文，勁難食呀！要去街市、大昌先買到正版啊！
雞柳結實醃味濃，啖啖肉濕潤多汁。掉丟芋頭，大大啖狠狠地一口咬下三種食材連嚥韌微爽腐皮，百花齊放，多種味道互相輝映，這樣才是食雞紮的真髓，拆開續款食又點會係紮呢？
炸春卷，好粗啊！切開原來得少少雞絲餡啫，春卷皮就大量。雖然有點燶，都炸得乾身不油膩，掉落喼汁打滾一翻，酸酸甜甜脆卜卜都使人滿意。
鵪鶉蛋燒賣，馳名招牌菜，肥豬肉混在瘦肉之中，比例恰到好處，豬油豬膏甘甜但不油膩，強力的催化劑使到味道更香濃出眾。
不知道何解肥豬肉跟鵪鶉蛋十分相襯，古人的智慧結晶嗎？蛋黃香、蛋白滑彈、肉球多汁嚥韌有彈性，滿分無法挑剔，一口品嚐多種味道與質感，無比幸福。
豉汁蒸排骨，排骨飯只得四五點排骨點夠喉呀，叫多碟先得。質素跟排骨飯的排骨同出一轍，豬肉味濃而香甜，鬆軟滑溜氣味吸引，滲出清淡豉椒味道點綴一下更是美妙。
乾蒸燒賣，豬肉達人！排骨係豬、鵪鶉蛋燒賣係豬、乾蒸燒賣都係豬，全屬招牌菜，頂級味道、頂級滋味！
食肉獸星座的我對於啖啖肉既燒賣當然愛不釋手，連食一打都面不改容！原粒入口，彷似灌湯一樣爆開，微量肥豬肉增添口感，天然豬油贈送甘香味道，既清爽又不油膩，大愛。
排骨飯，無論何時何地都要用油紙墊住食，古祖食法！先將飯倒在油紙上翻滾，再淋上自家調配甜豉油，不停攪拌直至均勻，每粒飯都要添上顏色方算大功告成。飯粒抱著排骨掉進口中，腍濕爛而且飯香欠奉！質數下滑，低於水平，失晒水準。
排骨肉少骨多，幸好味道超卓，可口香甜，軟棉滑滑。上品排骨飯既飯粒要乾身嚥韌飽滿肥嘟嘟，飯香撲鼻，排骨肉多骨少，半肥瘦鬆軟香甜沒肥膏，肉連飯淋上清爽芬芳甜豉油同吃，天上的味道！
依家有油紙供應既飯店少之又少，現今年輕人對油紙功能沒半點認識喇！可以吸收多餘油份、水份及蒸氣，使到飯粒保持乾爽，當然如果蒸到碗飯濕淋淋又腍劈劈的話，油紙都無用武之地喇。如果用油紙捲住排骨飯放涼，數小時後才拆開品嚐，味道更濃更香甜呢！
鮮竹卷
81 views
0 likes
0 comments
炸春卷
70 views
0 likes
0 comments
豉汁蒸排骨
54 views
0 likes
0 comments
鵪鶉蛋燒賣
61 views
0 likes
0 comments
乾蒸燒賣
46 views
0 likes
0 comments
排骨飯
31 views
0 likes
0 comments
排骨飯
45 views
0 likes
0 comments
排骨飯
136 views
0 likes
0 comments
排骨飯
73 views
0 likes
0 comments
Post
