Wingman (閣麟街)

Open Now

Now Closed

今日同朋友黎到中環食雞翼，朋友同我都好鍾意食雞翼，所以就搵到呢間食雞翼既專門店。呢到既雞翼有多款口味，真係簡咩味都睇左好耐先決定到。當中有幾款帶辣既口味，死神醬，新加坡辣蟹醬，水牛城醬等。唔辣既款式比較多，田園風味，加州風味等。我地簡左水牛城醬同加州風味。水牛城醬非常惹味，醬汁味道香濃，味道酸中帶辣，我其實唔係好食得辣，但味道都好可以接受，仲好食到停唔到口，咬落雞翼仲好有肉汁，另外，田園風味，表皮較香脆，雞翼用左酸奶油同洋蔥去調味，肉質同樣咁嫩滑多汁，好出色。呢到仲有提供手套給客人，帶好手套直接拎雞翼黎食，份外滋味。火燒牛油果 食落竟然有點燻三文魚既味道，牛油果好軟滑，加上青檸汁更清新。杏仁麵包糠炒澳洲西蘭花苗，口感幼嫩同清甜，想食d 菜都係個幾唔錯既選擇。