江仔記粉麵專家 (Closed)

笨同事一向都識窿路係中環搵o野食，今次俾佢搵到依間幾隔攝o既麵鋪，中午時間都竟然有位。由於聽講唔係開o左好耐，所以裝修仲算幾新，以細鋪o黎講都算幾好坐。我地好大路咁叫o左牛筋米同紫菜四寶河，味道都算唔錯。四寶好像不止四種，而且紫菜份量亦算足，不過每種只得一粒。o野飲方面加幾蚊就得，係凍檸樂貴o的要加八蚊。經濟好o左，o的租都貴o的，依家食碗麵閒閒地都要廿零卅蚊，所以佢地都唔算收得貴，不過一碗麵既份量於本蟲黎講始終係唔夠飽，唯有諗定下午茶食乜。