740
66
40
Level4
之前喺海港城買嘢儲落一堆優惠卷💵,三月底到期,無得堂食但又唔想嘥咗去,於是就決定搵晚放工去買外賣。睇完商户名單之後就揀咗「海南少爺」。好彩我早嚟一步,餐廳晚市外賣只做到八點鐘左右🥡,而且菜式亦有限度供應,不過款款都係招牌菜,仲有折扣優惠添。即使係外賣,食物賣相仍然好吸引,而且份量頗多的。我叫咗四份主菜,諗住四個人食啱啱好,點知都食唔晒,仲可以留返啲第日做晏👍!招牌海南雞配油飯及雞湯($200/半隻),套餐嘅每一部份都處理得好出色😋。海南雞雞皮富有彈性,食落唔覺膩,而雞肉肉質就好嫩滑,兼且肉味濃郁,唔係雪到無厘味道嗰種。雞翼以外,全部雞件均去咗骨,讓人滿足🥡。同時,三色醬料亦唔馬虎。油飯軟熟,滲透出淡淡黃薑味;而雞湯清澈無味精,飲完唔會口乾。不過半隻雞先配一碗飯同湯就顯得有啲唔夠喉🙈。印尼炒飯配沙嗲串燒($100),炒飯大盒到一個點🍚,可以分到三至四碗,唔係講笑。除咗飯量多之外,餸料亦非常豐富,🍢沙嗲串燒豬同雞各一串,唔會燒到乾噌噌。炒飯裡頭仲有煎蛋、鮮蝦、蝦片同青瓜粒等。🇮🇩印尼炒飯炒至好深色,惹味得嚟而非重口味,東南亞風情十足。炒貴刁($100),🥘呢碟貴刁同平日茶餐廳食到嘅有啲唔同
Read full review
6 views
0 likes
0 comments
之前喺海港城買嘢儲落一堆優惠卷💵,三月底到期,無得堂食但又唔想嘥咗去,於是就決定搵晚放工去買外賣。睇完商户名單之後就揀咗「海南少爺」
211 views
0 likes
0 comments
好彩我早嚟一步,餐廳晚市外賣只做到八點鐘左右🥡,而且菜式亦有限度供應,不過款款都係招牌菜,仲有折扣優惠添。
18 views
0 likes
0 comments
即使係外賣,食物賣相仍然好吸引,而且份量頗多的。我叫咗四份主菜,諗住四個人食啱啱好,點知都食唔晒,仲可以留返啲第日做晏👍!
招牌海南雞配油飯及雞湯
$200
12 views
0 likes
0 comments
招牌海南雞配油飯及雞湯($200/半隻),套餐嘅每一部份都處理得好出色😋。海南雞雞皮富有彈性,食落唔覺膩,而雞肉肉質就好嫩滑,兼且肉味濃郁,唔係雪到無厘味道嗰種。雞翼以外,全部雞件均去咗骨,讓人滿足🥡。同時,三色醬料亦唔馬虎。油飯軟熟,滲透出淡淡黃薑味;而雞湯清澈無味精,飲完唔會口乾。不過半隻雞先配一碗飯同湯就顯得有啲唔夠喉🙈。
印尼炒飯配沙嗲串燒
$100
12 views
0 likes
0 comments
印尼炒飯配沙嗲串燒($100),炒飯大盒到一個點🍚,可以分到三至四碗,唔係講笑。除咗飯量多之外,餸料亦非常豐富,🍢沙嗲串燒豬同雞各一串,唔會燒到乾噌噌。炒飯裡頭仲有煎蛋、鮮蝦、蝦片同青瓜粒等。🇮🇩印尼炒飯炒至好深色,惹味得嚟而非重口味,東南亞風情十足。
炒貴刁
$100
18 views
0 likes
0 comments
炒貴刁($100),🥘呢碟貴刁同平日茶餐廳食到嘅有啲唔同,首先佢唔係星洲炒米嘅黃色,另外佢更包含兩種麵條:河粉溝油麵,感覺類似滲滲嘅概念,幾得意。貴刁炒得好有鑊氣,帶點微微辣同蝦醬嘅香氣🦐,而韭菜同芽菜等則進一步提升口感。
黃咖喱牛筋腩配白飯
$90
13 views
0 likes
0 comments
黃咖喱牛筋腩配白飯($90),🍛咖喱汁好大兜,撈飯食一流!黃咖喱香而不辣,重椰香,少少甜,令人食上癮。🐮牛腩大大件,肉質一絲絲但唔柴,而牛筋就炆到好軟稔,骨膠原滿瀉。咖喱入面嘅紅蘿蔔同薯仔亦唔失禮,相當入味。
17 views
0 likes
0 comments
總括嚟講,海南少爺嘅食物出品水準甚高,定價唔平,不過真係對得住個價錢👦🏻。題外話,餐廳環境其實好鬼正,對住大海景,無得堂食真係有啲可惜🙏🏻。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2022-03-29
Waiting Time
10 Minutes (Dine In)
Spending Per Head
$100 (Dinner)
Recommended Dishes
招牌海南雞配油飯及雞湯
$ 200
印尼炒飯配沙嗲串燒
$ 100
黃咖喱牛筋腩配白飯
$ 90