4
9:30後入座有85折，臨走先知，絕對加強左我encore指數！
食放題揀刺身先是常識吧，又鮮甜又好味，肉質都幾實。推介大家一定要食甜蝦同赤海蝦，一d霉都無，而且都挑得幾乾淨添！
舊羊架食落幾嫩口，唔知係我過分左定點，肉質仲有少少奶香同草味，羊羶得黎唔會太搶，以放題質素以言，佢羊架係頭2位。
佢d特色壽司都幾得意，最好係佢舊飯都好細，唔會想用飯餵飽你果d，良心！
我之前聽講極尚最特別係海膽，不過我話你知，呢舊炸貓山王是係極品，未咬開已經有陣陣榴連味飄出，外面少少脆，內面又軟又夠熱，食得出唔係普通既榴連！
見到隔離有16個女生gathering,搞到我想即刻組返隊放題團,再黎食多次！
