達人包車 (Closed)

前排同同事去咗達人包車食lunch，好好味呀~ 雖然唔係第一次去，但每次都keep到水準!今次叫咗芝士排骨同蜜糖炸雞~ 個芝士排骨好勁! 一鍋送嚟放喺爐上面熱，中間有主角排骨，仲有年糕同辣汁，側邊圍住有芝士條，飯團同腸仔~ 一路熱住嘅時候d汁開始滾，芝士都開始溶~ 等多陣終於食得喇~ 夾件排骨點d芝士咬一啖，超正呀!!!排骨幾嫩，辣辣地，加埋芝士真係冇得頂! 年糕同其他配菜點辣汁食都好好味!蜜糖炸雞都唔輸蝕，一盤炸雞睇落好熱氣，但食落有蜜糖味甜甜地又幾易入口~ 仲配埋薯角，正!返工日子嘅lunch時間去食唔多人，幾次都唔使book位，但聽講夜晚好多人，唔想等位可以揀個時間去試~