鋒記小炒王 (Closed)

鋒記响東區都有Ｄ水準，我亦食過幾次，今晚試下佢地嘅泰國菜！ 先叫咗個木瓜沙律 味道唔錯，木瓜絲亦爽口，醒吓胃嘅前菜 跟住要咗個炭燒豬頸肉，水準一般，急凍貨式肉質較硬，個汁就OK！ 之後就係酸辣蒸烏頭泰式酸辣汁個味幾好，點落Ｄ魚度一齊食，正！為一就係倏鳥頭細咗Ｄ！ 最後點咗個芭堤雅烤鷄，全晚我覺得最好味，鷄就唔大但「烤」得好香，最好係無用油炸，肉質唔太粗糙，食落啱啱好！食完飯仲同老板傾两句，佢地Ｄ泰國菜式，係請泰國人做，有返泰國嘅味道。不過上菜就慢Ｄ，仲有泰國菜式只係供應到11時，Ｄ師傅要收工！最後真係飽住個肚埋單，今餐都算係有水準嘅晚飯。