近又吉列黑豚專賣店 (Closed)

經朋友介紹下，得知原來朗豪坊有間食吉列既餐廳叫近又，但位置比較偏僻，搵左好耐先搵到，去到門口時都幾多人排隊，早知就訂枱啦等左大約15分鐘到就入得啦，都算快^^坐低叫野食，我同朋友商議左好耐，最後叫左滑蛋黑豚定食同千層蒜味定食，等餐大約20分鐘到就有食物到啦，首先到既係滑蛋黑豚，一試之下，真係明白咩叫一分錢一分貨，同平時食開幾十蚊既好大分別，豬扒唔會好硬，雞蛋，冬菇絲同洋蔥加上窩底既汁真係一流，送飯之選，再過五分鐘到，千層蒜味都到左，一試之下，趣卜卜既麵包糠，加上夾住香蒜既豬扒，口感十足，味道亦都唔錯，我地加飯都加左四碗，而最後仲打左卡有雪米糍食tim^^，總括黎講，食物有質素，服務都主動(加茶，加菜絲)，環境整潔舒服，各樣都做得幾好，但美中不足既係，碗碗碟碟比較爛，希望能夠改善。