Sushi Tokumi

這天終於來了想來很久的德美壽司，因為平日H8午餐時間實在太多人，上樓也成問題，所以一直都試唔到超值的午市套餐。今日休半日又經開尖沙咀，避開午市高峰時間，兩點左右竟然唔駛等位就食到啦～

1

午餐有唔同海鮮丼、定食同刺身的套餐，選擇都幾多，我最後叫左一客極上壽司定食。

極上壽司定食

$142

極上壽司定食有8款壽司、吞拿魚腩碎卷物、甜蛋，仲附上味噌湯、沙律、茶碗蒸同芒果奶凍，都算幾豐富。

帶子味道鮮甜而且幾爽口，唔係淋身果種。
熟蝦味道就不太突出，而且醋飯有點散。
吞拿魚腩碎卷物味道算是不錯，而且腩碎口感軟綿。

1

三文魚籽軍艦，紫菜頗脆，三文魚籽量都算多，味道鮮味咸味都足。
海膽更是一絕，一件軍艦已有三塊原塊海膽，而且口感實在新鮮、沒有溶到一Pat Pat ，吃得出鮮甜味，與日本當地食到的不相伯仲，勁正！

吞拿魚壽司食落有口感，唔似連鎖壽司咁淋身，食得到吞拿魚的甘甜。

我本身不太鯛魚的口感及味道淡。

三文魚腩壽司好大片三文魚，而且充滿三文魚的魚油香，口感實在滿足。

油金魚兩個字--好食！總之超正！

套餐附味噌湯及沙律

茶碗蒸

芒果奶凍

附餐的配菜味道不錯，最後甜品芒果奶凍更為整個午餐劃上完美句點。