Yu Sin's Fish Shop Specialist

尋晚比較夜食飯，唔想食太多。老婆suggest比多次chance 魚鱻。
4~5個月前已覺得佢差左，一直無再去。老婆想食，OK啦！
Order 左:

1) 墨丸魚湯米線
2) 蕃茄肉碎湯米線 + 豬肝
3) 古法吉烈豬排
4) 菜心

墨丸魚湯米線先到，試下D湯，魚湯味OK但比早期差左，湯濃味得比較俗小小腥。墨丸唔算出色，4粒，當然比10蚊碗好，唔會得D粉or淋"之之"。彈牙但墨魚味少。米線淋左D又少左。豆卜無埋。。。

蕃茄肉碎湯米線 + 豬肝，黎到一試，豬肝酸左！換過唔要豬肝。蕃茄OK 酸酸甜甜。但肉碎少得黎多數係肥粒，肉味少又肥。 味道中下。唔掂！

古法吉烈豬排，本來都好簿，家陣簿得黎比初時多左陣油味。可能豬排簿肉味淡，油味好覺。最后菜心亦煮得太淋。

食完同老婆都異口同聲話，無滿足感。。。埃華街越黎越多食店，已穩占一席位的却水準不斷下滑，唉。。。！可惜！