川滬居 (Closed)

呢間天后水星街靚裝京川滬菜「川滬居 」，鮮紅色門口，透明玻璃，可見餐廳裝修整潔光猛。共設有大概6張4 人枱 ，及3張 4人卡座。掛有特色雀籠裝飾，非常特別。提供多款經典小菜，碟碟精緻美味，水準不錯。如果人多亦可考慮試下麻辣乾鍋及酸菜魚等。涼拌小食《尖椒皮蛋豆腐》（$68），豆腐嫰滑，溏心皮蛋甘香，配上尖椒粒及麻辣汁，非常開胃小菜。《鮮肉小籠包》（$48/4隻），價錢合理，皮薄仍保存有湯汁，吾會一夾就散，入口肉餡夠鮮味。《上海美味熏魚》（$68），熏魚屬手工菜，已經吾係到到可以食到，係我童年至愛。熏魚表面包上醬汁，入口魚肉香濃夠味。《話梅小排骨》（$78），將排骨切細粒，非常方便，一口一粒，味道微酸甜，一個好送飯小菜。《酸辣湯雲吞》（$60），大大碗足料，大概有4-5粒雲吞，足夠兩位用。《高力豆沙》（$32），童年回憶，去食上海菜必食甜品。炸得夠鬆軟，包上熱辣辣豆沙蓉，超正超滿足。