Café de Coral

本人由23號開始每在這裡買早餐食，每天都會出現不同問題，本人每天都是叫同一個早餐：J2外賣，其中包括烚蛋、牛油多士、腸仔、火腿通粉和飲品，由第一日開始，就出現了4個問題喇，首先，烚蛋外殼裂嘅，尤其是27/8那天最為離譜，整隻烚蛋外殼是完全碎裂，只是沒有離殼，好像剛剛給客人敲碎的樣子跟住退回水吧，跟住水吧又給其他客人食用的樣子，今天更加離譜，因為今天沒有任何水吧經理當值，只有水吧的垃圾阿姐做嘢，一行埋去水吧度，就聽到個阿姐係度講晒粗口：妳阿媽塊X呀，即刻第一時間諗緊究竟羅銘盛請班員工返嚟講粗口呀？定係返嚟唔做野兼發爛渣？😡😡其次牛油、第一天買到返去整粒牛油打開水嚟嘅，第二天再去同水吧女經理反映粒牛油好似水咁，跟住個女經理超晦氣兼黑晒面口咁將粒牛油拋落個餐盤並且說：「呢粒剛剛從雪櫃攞出嚟。」如果咁講，咁即係佢哋係牛油保存方法極有問題，即係粒牛油唔係擺放係雪櫃作低溫處理。就以上兩點，就可以控告大家樂不小心處理食物引致食物交叉感染。第三腸仔、第一日買左返到去係完全冇汁嘅，第二日再去同水吧經理講冇汁，佢竟然講如果個客人唔出聲要求，咁就唔會俾汁，咁我又想問一下，點解堂食會俾汁？而外賣唔會俾汁先？唔通又關環保署事？跟住每次去都要提醒個水吧俾汁，今日最離譜，因為我排第一個，今日冇經理當值，個廚房特登玩嘢，第一個外賣點都唔肯出，直情要剷個水吧阿姐係咪玩嘢呀？出到嚟腸仔冇汁，就叫廚房加汁，當然又係超晦氣啦，結果攞到返去一打開蓋，先見到原來個廚房發晒脾氣將汁淋晒係烚蛋那邊，咁擺明玩嘢呀嘛？咁就玩大佢 。第四外賣餐刀，第一次買返去，冇餐刀點搽牛油食多士，不論粒牛油係咪溶咗？第二，條腸仔仲可以用义拮呀，咁多士點食呀？跟住聯絡了大家樂客戶服務熱線，得到的答案更加攪笑，各位聽聽呀，他的回答是：「我們外賣從來唔俾义嘅，點樣搽牛油食多士？咪用义搽囉。」原來大家樂由羅滕祥老先生創業，到羅開光先生接手經營，到現在再由羅銘盛先生再接手，原來係咁樣教員工搽牛油食多士，果然犀利。仲有操牛油食多士用义嚟搽，咁食牛扒、雞扒同魚柳時就會俾义啦，咁即係話個客買左個$25嘅平價早餐就唔需要俾刀啦，如果個客買左個牛扒、雞扒和魚柳套餐就會俾刀义啦，原來大家樂俾外賣餐具係根據個早餐價錢為依歸，這又係另外一絕。最後就係個收銀員喇，又係經典中的經典，30/8早上07 ：04上到去，見有兩個客人坐咗係度，我以為佢哋等緊早餐，咁我咪排隊囉，但係又唔見個收銀員喎，結果等了差不多兩分鐘，才見到個收銀員花枝招展咁行出嚟，咁我以為可以買早餐啦，點知個收銀員話要再等5分鐘，因為要boot機，我巳經駡出來：「唔係吖話？」，咁我先知道原來一進來看見那兩個客原來唔係等早餐，係等緊排隊買早餐，結果剩係排隊買早餐巳用左8至9分鐘時間，攞早餐1至2分鐘，等排隊就等了8至9分鐘，到今天以為好一點，上到去仍然是那兩個客人坐住，咁我以為個收銀員又未返，點知佢坐在係度同其他員工傾計，好啦，到了落單時，她才開始施施然係度慢慢拆開裝大餅嘅膠袋咁係咪即係玩嘢呀？😡😡就以上四個問題，希望羅銘盛先生可以親自現身解釋一下貴公司的工作守則嚟解釋一下呢個疑問。🤔