樂天皇朝 (利舞臺廣場) (Moved) New Location

舊同學喺澳洲返嚟，相約銅鑼灣行街食飯，佢話好耐未食過正宗京川菜，又想打卡留念，我哋就嚟咗利舞臺嘅樂天皇朝！餐廳裝修充滿中國古代宮廷特色，掛上龍袍、壁畫、通花圖騰木屏風，中庭設有 夜光蓮花水池，莊嚴宏偉，氣派萬千。置身其中，猶如穿越時空回到古代皇朝，滿足曬我哋嘅打卡慾望！松子鮮果桂花魚原條桂花魚起骨脆炸，上碟擺盤吸引，外脆內嫩香口鬆化，配合菠蘿粒酸甜醬汁，醒胃增食慾，灑上松子加添層次口感!皇朝小籠包 (八色)王牌招牌菜 有原味、鵝肝、人參、黑松露 芝士、蟹粉、蒜香和麻辣八種口味。外皮用天然素材調色，每顆堅持用薄皮十八摺為標準。鵝肝散發油脂金香，黑松露味濃鬱突出，麻辣鮮辣而不嗆口。各具特色!沙拉排骨沙拉醬撈得勻循，調味適中，酸酸甜甜十分醒胃。排骨採用豬扒部位，脂肪較少肉質鮮嫩鬆軟，入口即化。啖啖肉大快朵頤!四川辣子雞川辣味濃，非常突出，辣度有回甘而不嗆口，愈食愈辣十分過癮！雞丁混合粉團脆炸，乾身唔油膩，有嚼口和飽足感!