Video
Read full review
2024-03-02
43 views
今日去銅鑼灣行街，跟住去咗fashion walk的食街，揀咗一間餐廳食飯。餐牌有勁多選擇，最後揀咗以下幾款。🔸法芥醬忌廉燴黃油春雞配烤中東包春雞都幾嫩滑，即使係雞胸位肉質都唔係太韌。我覺得法芥醬有啲似冇加椰汁的葡國汁味，仲會有酸酸地的味道，個汁同中東包都幾夾。🔸脆炸有機甜粟米餅配莞荽青檸酸忌廉粟米餅炸得脆，而粟米清甜冇渣，仲帶點微辣。🔸脆炸西班牙粟飼豬腩配泰式酸辣汁望落去豬腩比較乾身，但實質係肥瘦適中，店員建議我哋滴幾滴青檸汁入泰式酸辣汁拌勻後先食用，酸酸辣辣，清新開胃。🔸意大利布拉達芝士有機雜錦蕃茄沙律芝士份量頗多，勝在口感軟滑，蕃茄微酸甜，配黑醋和羅勒醬，令人開胃。餐廳室內擺放餐酒，而戶外有座位，如置身外國路邊的餐廳，氣氛輕鬆，令人自在。
今日去銅鑼灣行街，跟住去咗fashion walk的食街，揀咗一間餐廳食飯。
餐牌有勁多選擇，最後揀咗以下幾款。
🔸法芥醬忌廉燴黃油春雞配烤中東包春雞都幾嫩滑，即使係雞胸位肉質都唔係太韌。我覺得法芥醬有啲似冇加椰汁的葡國汁味，仲會有酸酸地的味道，個汁同中東包都幾夾。
🔸脆炸有機甜粟米餅配莞荽青檸酸忌廉粟米餅炸得脆，而粟米清甜冇渣，仲帶點微辣。
🔸脆炸西班牙粟飼豬腩配泰式酸辣汁望落去豬腩比較乾身，但實質係肥瘦適中，店員建議我哋滴幾滴青檸汁入泰式酸辣汁拌勻後先食用，酸酸辣辣，清新開胃。
🔸意大利布拉達芝士有機雜錦蕃茄沙律芝士份量頗多，勝在口感軟滑，蕃茄微酸甜，配黑醋和羅勒醬，令人開胃。
餐廳室內擺放餐酒，而戶外有座位，如置身外國路邊的餐廳，氣氛輕鬆，令人自在。
Post
