DKLM Bar & Restaurant (Closed)

野菌松露忌廉汁扁意粉，88蚊碟💰意大利麵份量都幾多，兩個人食啱啱好，大量野菌松露，忌廉汁比較濃稠度，會較為杰身，食落口好掛汁，食落啖啖都係忌廉順滑口感😋迷你安格斯牛肉漢堡，伴松露薯條及沙律卷，98蚊份💰迷你漢堡包有兩個，外皮香脆，手打嘅牛肉漢堡扒，夠哂厚身啖啖肉，中間夾住蕃茄芝士，配搭埋松露薯條，每條薯條都炸到香脆可口，點上松露食更滋味😋水牛城雞翼，62蚊份💰面表煎得好香脆，再係面頭有一層薄薄嘅辣汁，味道酸酸辣辣，非常開胃，唔錯嘅小食🐓Purple Diamond，78蚊杯💰紫藍色嘅外型好啱打卡，飲落藍莓味幾突出，正常甜度唔算太甜更易入口，酒精含量極少，好適合女仔飲完全唔苦🍺