黑松露大拖羅蓉卷
Pink Pink既拖羅蓉好配合餐廳既餐具，少少櫻花和風中又散發少女心。今次黑松露既味唔係好強烈，而拖羅新鮮，一啖食落口有少少松露既香又有拖羅既鮮。
豚肉包雞髀菇串燒
呢個雞髀菇燒得好神奇，神奇地好食，唔似食菇菌類，再配埋餐廳既武士辣醬，贊～
豚肉年糕串燒
一定要趁熱食，豚肉燒到外脆，裡面嘅年糕又燒到軟軟，黏黏糯糯，一凍左就會變質，所以唔好等，立即食😋
豚肉虎蝦配忌廉
虎蝦剝左殼包住豚肉，再燒到外脆，唔洗剝殼之餘仲啖啖肉。重有忌廉泡泡墊底，相機打卡行先！
A5宮崎和牛壽喜燒
主角出場，和牛油脂分布平均，入口充滿牛香化係口內，鍾意重可以配埋蛋漿一齊食，加添滑滑口感。另外佢個壽喜燒都充滿儀式咁，先有隻結冰小熊係鍋內浸浴中，之後客人可以幫小熊加熱湯（壽喜燒既醬汁），十分可愛☺️另外甜甜地既壽喜燒再加配多杯兔兔酒（清酒配棉花糖）中和壽喜燒既甜又唔會覺得飲緊烈酒。
蜜桃烏龍熊茶
少女心熊熊烏龍茶，唔會好甜，茶味清淡，有少少桃味，唔洗擔心夜麻麻飲茶，打卡又得，又好飲。
北海道芒果牛奶乳酸
又係靚靚，朋友話重芒果味，微酸令佢好開胃，反而唔重牛奶。
P.S. 如果生日，重有專人同你拎燈版慶祝🥳隔離枱既朋友生日快樂🎂
