Video
Read full review
2018-09-03
2252 views
男友上次試過酒吧菜，話出色想再食，所以今次就黎到尖咀既<<彌敦左岸>>。呢間酒吧既賣點就係佢可以邊食邊聽live show，好有氣氛。 <<簿切北海道鮮帶子及鮮三文魚伴三文魚籽配柚子醋汁>>呢碟野真係好邪惡，滿滿的三文魚，帶子及三文魚米，好鮮呀。加埋柚子醋汁，真係不得了，減去了腥味，食到我停唔到口。 小食點左半份<<脆香雞翼配泰式辣醬>>，有四隻。外層炸得脆脆，略嫌多左少少粉，但內層有驚喜，肉質十分鮮嫩。配上泰式辣醬就更加惹味。 <<Black Ink Tagliatelle Crab Meat>>呢個墨魚汁闊條麵加左鮮蟹肉蟹粉、西班牙辣肉腸、半乾車厘茄、三文魚籽及鮮蟹汁。闊條麵入口勁嚼勁，加上三文魚籽及鮮蟹肉蟹粉，令到入口口感更有層次。 食西餐慣左一定要食埋個甜品，今次就點左<<檸檬馬林撻伴自家製雲呢拿雪糕>>。馬林撻入口酸酸的又有檸檬，幫助消化，加埋個雲呢拿雪糕就清哂口腔既油膩感喇。 飲品點左<<Crazy
男友上次試過酒吧菜，話出色想再食，所以今次就黎到尖咀既<<彌敦左岸>>。
呢間酒吧既賣點就係佢可以邊食邊聽live show，好有氣氛。
<<簿切北海道鮮帶子及鮮三文魚伴三文魚籽配柚子醋汁>>
呢碟野真係好邪惡，滿滿的三文魚，帶子及三文魚米，好鮮呀。加埋柚子醋汁，真係不得了，減去了腥味，食到我停唔到口。
小食點左半份<<脆香雞翼配泰式辣醬>>，有四隻。外層炸得脆脆，略嫌多左少少粉，但內層有驚喜，肉質十分鮮嫩。配上泰式辣醬就更加惹味。
<<Black Ink Tagliatelle Crab Meat>>呢個墨魚汁闊條麵加左鮮蟹肉蟹粉、西班牙辣肉腸、半乾車厘茄、三文魚籽及鮮蟹汁。闊條麵入口勁嚼勁，加上三文魚籽及鮮蟹肉蟹粉，令到入口口感更有層次。
食西餐慣左一定要食埋個甜品，今次就點左<<檸檬馬林撻伴自家製雲呢拿雪糕>>。
馬林撻入口酸酸的又有檸檬，幫助消化，加埋個雲呢拿雪糕就清哂口腔既油膩感喇。
飲品點左<<Crazy Juice>> 及<<Sour Jam>>。兩者都混合多款生果，酸甜得黎又清新，邊個話酒吧除左酒冇好野飲。
Post
