GAVI

Open Now

Now Closed

前排朋友帶咗我去佢返工附近嘅一間餐廳食飯，呢一間位於觀塘海濱附近的GAVI，係一間集日式和西式風味於一身的餐廳，餐廳環境闊落舒適，自然風格的裝修令人感到放鬆，的確係適合打工仔放工後去休息下，食物都非常值得推薦。汁燒雞翼串&白鱔串雞翼燒得啱啱好，外脆內嫩，唔會太過乾，配搭醬汁更加好食。而白鱔肉質彈牙鮮美，經過汁燒後更添風味，唔係好食魚嘅我都忍唔住食咗幾啖。松露野菌帶子意大利飯呢個意大利飯非常之出色，一放上枱就香氣四溢，松露味超濃郁，野菌同帶子的搭配完美，尤其是個帶子煎得好好，外面有少少焦香，入面就非常嫩滑。蜜汁燒焗花雕醉香雞雞肉好嫩滑，帶有淡淡的花雕酒香，伴碟嘅薯蓉亦都好好食，上枱嘅時候已經切咗件，好方便同朋友share。飲品嗌咗店員推薦嘅柚子檸檬碟豆花梳打同利賓納荔枝乳酸梳打，唔會太過甜，梳打可以清新解膩，兩樣都係唔錯的選擇。除此之外，餐廳出面亦都有一塊大草地，餐廳本新都係pet friendly，有興趣嘅朋友可以帶埋你哋嘅寵物過去一齊享受下。