Crown Restaurant

荔枝角D2 place附近開左呢間茶餐廳，夜晚9點鐘想食小菜，就入左去食。叫左一份黑椒薯仔牛柳粒，一份風沙蒜香骨，70幾蚊唔包飯/野飲，要另外加$12轉套餐，都幾貴。

野食方面，黑椒薯仔牛柳粒一上枱個下，真係即刻望一望返個餐牌，寫住牛柳粒，但嚟既係牛片，好似乾炒牛河個啲牛咁。另外個黑椒汁超級甜，一啲黑椒味都冇，薯仔亦係好淋，明顯冇炸過。

風沙蒜香骨，啲炸蒜好油，淋身唔脆口，街買個啲一罐罐即食炸蒜都好食過佢。另外個骨亦係好油膩，唔夠熱，好似冇炸過咁，一啲都唔香口，毫無鑊氣，懷疑佢用電磁爐煮既。味道亦超級咸！

又貴又差，唔會有下次。