Video
Read full review
2011-07-13
24 views
金葉子係黃埔時,我地都好鐘意去食,貪佢多款式,又任飲任食,都係百五蚊,好抵食自從佢結業後,我地當經過黃埔時,都好想見到佢重開,不過一次又一次失望直係係飲食雜誌見佢賣廣告重新營業時,我好開心"嘩"左一聲出來,仲要價錢不變,加左喜力啤酒任飲,所以即刻係facebook組個為食團去試食...用好期盼既心情去食,首先叫左龍眼冰同炸物,都仲keep到水準,只係蝦餅細塊左串燒就應該係番炸,好油但無燒既味道,牛肉串燒亦無牛味食左數粒已經無食,呢個係第一個失望柚子沙律碎濕濕,仲有陣魚腥味,有d怪,第二個失望椒鹽豆付真係好唔得,唔信既讀者即管可以叫一碟試試,不過唔好叫佢炒大大碟出來呀,費時浪費,呢個係第三個失望其他如薄餅(太薄又太油),蒜蓉多士(麵包太甜),炒通菜(梗太老)...都麻麻地...不過值得一讚既係佢炒粉麵同樓面服務都幾好,推介泰式炒河,炒金邊粉,好惹味.侍應亦好細心,見我地book4人但成個鐘都係得2人坐係度,佢都問我地點解唔叫野食住等朋友再加上新裝修,卡位好大張,坐得好鬆動,環境都唔迫,所以係服務同環境上都加番唔少分數以呢個價錢,其實加上食材漲價,食物質素用以前比,真係比唔到,但佢舒服既環
自從佢結業後,我地當經過黃埔時,都好想見到佢重開,不過一次又一次失望
直係係飲食雜誌見佢賣廣告重新營業時,我好開心"嘩"左一聲出來,仲要價錢不變,
加左喜力啤酒任飲,所以即刻係facebook組個為食團去試食...
用好期盼既心情去食,首先叫左龍眼冰同炸物,都仲keep到水準,只係蝦餅細塊左
串燒就應該係番炸,好油但無燒既味道,牛肉串燒亦無牛味食左數粒已經無食,呢個係第一個失望
柚子沙律碎濕濕,仲有陣魚腥味,有d怪,第二個失望
椒鹽豆付真係好唔得,唔信既讀者即管可以叫一碟試試,不過唔好叫佢炒大大碟出來呀,費時浪費,呢個係第三個失望
其他如薄餅(太薄又太油),蒜蓉多士(麵包太甜),炒通菜(梗太老)...都麻麻地...
不過值得一讚既係佢炒粉麵同樓面服務都幾好,推介泰式炒河,炒金邊粉,好惹味.
侍應亦好細心,見我地book4人但成個鐘都係得2人坐係度,佢都問我地點解唔叫野食住等朋友
再加上新裝修,卡位好大張,坐得好鬆動,環境都唔迫,所以係服務同環境上都加番唔少分數
以呢個價錢,其實加上食材漲價,食物質素用以前比,真係比唔到,
但佢舒服既環境+喜力啤酒可樂泰式飲品任飲+惹味炸物炒粉麵,呢幾樣都令我感覺餐廳價值存在,
所以雖然對佢有失望,但亦不至於絕望,下次應該都會再返來食
Post
